"Sleggjan" sterk

Kristinn H Gunnarsson má vel við una eftir að hafa tryggt sér þingsæti á síðustu atkvæðunum sem talin voru. Ekkert benti til að svo yrði lengst af og ýmsir höfðu jafnvel grínast með að Framsóknarflokkurinn væri að hagnast á því að "Sleggjan" hefði gengið til liðs við Frjálslynda. En eins og svo oft áður kom í ljós að Vestfirðingar eru óútreiknanlegir og enn einu sinni höfðu þeir afgerandi áhrif á úrslit kosninga. Hvaða álit sem menn hafa á Kristni H, þá tel ég rödd hans eiga mikið erindi inn á þing og fagnaðarefni að þessi mikli baráttujaxl skuli standa vaktina enn um sinn og veita mönnum aðhald næstu fjögur árin.